هزيمة قاسية

أعرف واحد خسر معارك يامة فى حياته

الجميل فيه إنه كان بيستقبل كل هزيمة والتانية بروح رياضية و إبتسامة عريضة

والسيىء فيه إنه كان غاوى يدخل معارك عارف إنه كده كده خسران فيها

معرفش أيه اللى فكرنى بيه دلوقتى

بس يمكن لما الطعم المر للهزايم دى إبتدى يبان فى بقى

إفتكرته

إحساس جميل

شعور جميل جداً إن حد يبوس فى خدك أو جبهتك و إنت نايم سواء كان الشخص ده
أمك ولا أبوك
أخوك أو أختك
مراتك
قريبك أو صديقك
شعور صادق جداً التعبير عنه بأى شكل من الكلام أكيد حيقلل من قيمته
أنا مقتنع تماماً بإن الشخص اللى بيعمل كده بيكون بيحبك جداً ومخلص فى حبه
غالباً هو بيبقى شايف إنه مش قادر يوصلك هو أد أيه بيحبك ,
أو بيكون شايف إنك متضايق من حاجة ما و هو مش قادر يساعدك فبيكون مقتنع بإن بوسته دى بأى شكل من الأشكال أكيد حتساعدك
ساعات ببص للعملية من وجهة نظر إن لو واحد بيحبك وجابلك هدية فهو بتكون مكافأته نظرة السعادة اللى بيشوفها فى عينيك , أو أى كلمات شكر بتوجهاله
لاكن اللى بيبوسك و إنت نايم ده بيكون بيعبر عن مشاعره لمجرد التعبير عن مشاعره وبس بدون إنتظار أى مقابل منك

AICHA

SANDRO KOPP

محمد المخزنجى

فيه ناس لما بتقرالهم بتحس إن الشخص الللى بتقراله ده أكيد شخص نقى جداً

الكتابة دى بتكون إستحالة طالعة من مجرد شخص موهوب أو روائى بارع

أنا فعلاً مش لاقى كلام أقوله عن الدكتور محمد المخزنجى

أنا مقريتلوش غير تلات مجموعات قصصية

البستان و أوتار الماء و لحظات غرق جزيرة الحوت

بس بحاول جاهداً إنى الأقى الأعمال اللى ناقصانى