الاثنين، فبراير 27، 2006

شيكولاتة

أنتِ : إزيك عامل أيه
أنا: الحمد لله
أنتِ: إنت بتاكل ولا أيه
أنا : لأ أبداً دى شيكولاتة
أنا : إتفضلى
أنتِ : عزومة مراكبية طبعاً
أنا : أكيد لأ
لباقى المكالمة كان ذهنى منشغل جداً ,أتدرين فيما
مالذى يمنعنا أن نتقاسم تلك الشيكولاتة معاً ؟؟؟؟؟
حسناً الفكرة تبدو حمقاء بشكل كبير مع إعتبار إننى من سكان أسكندرية و أنتِ من سكان القاهرة أو لو كنتِ حتى من سكان الشقة المقابلة
سيتهمنى البعض بالعته و التفاهة ولكن منذ متى إرتضيت بأحكام الناس
صدقينى الحياة بأكملها ترتع فى النسبية ,صديقى المقرب الذى لو حكيت له عن تلك الفكرة قد يسبنى بوالدى
بينما هو يقضى أسعد أيام حياته أمام المصارعة الحرة
الحياة تقبل القسمة على2 و 3 و 4 بينما قد قد يرى شخصٌ أخر أن الحياة لا تقبل لأى نوع من أنواع القسمة
بينما سيظهر شخص أخر فى الكادر صارخاً بأنه لا يفهم شىء على الأطلاق
حسناً أنا هذا الشخص الأخير
كما قلت لكى و أقول دائماً توقفت منذ زمن طويل عن الأهتمام بأراء و نقد الأخرين , صدقينى هكذا أفضل
أغلب إهتمام الأخرين بكِ لا يزيد عن فضول لا أكثر ولا أقل
شيئاً فشيئاً تسيطر الفكرة على كيانى , أخبىء باقى الشيكولاته فى الثلاجة و أقوم بالحجز فى قطار الثانية عشر من اليوم التالى
أتصل برئيسى فى العمل و أخبره إننى مسافر غداً إلى القاهرة لأكل شيكولاتة معكى,بالطبع يوافق
بل ويعطينى باقى الأسبوع أجازة كى أريح أعصابى قليلأ
أنا الأن فى القطار محتضناً لبقية الشيكولاتة فى جيب معطفى و أبدأ فقط الأن فى التفكير بروية فيما أقوم به ,هل هو تعبير عن حبى لكى , محاولة أخيرة لأقناعك إننى أريد الأحتفاظ بكى مهما كلفنى هذا من تعب
هل هى محاولة لمداراة فشلى الدنيوى أمامك بمحاولة القيام بأى فعل رومانسى أمامك
أم هى مجرد فكرة أمنت بها فقط من أجل شىء لم أستطع تحديده حتى الأن
أحاول أن أزيح كل تلك الأفكار من رأسى , أتذكر لحظاتنا الجميلة سوياً كمحاولة لأضفاء بعض البهجة
ها أنا فى القاهرة أتصل بكى لمقابلتك و بالطبع لن أخبركى عن قصة الشيكولاتة لأنك لن تصدقى
ها أنتى قادمة وقبل أن تمدى يديكى بالسلام أفاجئك بالشيكولاتة , لا أتكلم حتى لا أفسد المفاجأة
معرفتى بكِ تؤكد لى إنكِ ستفهمين
حسناً ها هى الفرحة تغزو عينيكى معلنة لى إننى كنت على حق
لم يتطلب منكِ الأمر أكثر من ثوانى, ربما كان هذا أكثر ما أعجبنى فيكى
قدرتك المذهلة على فهم ما قد يعجز لسانى عن التعبير عنه
نقتسم الشيكولاتة سوياً , لا نتكلم , فقط لنستمتع باللحظة
لا داعى لأن تغلقى عينيكى , من فضلك لا تصطنعى اللذة , إستسلمى لها تماماً
الوصول لتلك اللحظة يعطينى شعور جارف بنشوة قوية تمحى كل أفكارى السوداوية
فلتحيا الشيكولاتة إن كانت هى سبب ما أشعر به من متعة معكى
أنا الأن فى قمة سعادتى ولا أريد أن نتكلم , صدقينى الكلام سيلوث بهجتنا
أسلم عليكى و أنصرف متعللاً بميعاد القطار الذى إقترب
أسير فى شوارع القاهرة مفكراً ,ربما الفراق الأن هو أفضل الحلول بالنسبة لنا
أرى إننا وصلنا لقمة حبنا فى تلك اللحظات القليلة , أشعر بأنه مهما إمتدت علاقتنا ستظل تلك اللحظة هى الأجمل و الأصدق
لن نستطع أن نستمتع بأى لحظة مقبلة, ستظل تلك اللحظة ماثلة على قلوبنا عاجزين أن نتخطاها

13 Comments:

Blogger Alexandra said...

يحزنني جدا التخلي عن لحظات رائعة قادمة للاحتفاظ بطعم لحظة رائعة مضت

27/2/06  
Blogger شاطىء أخر said...


ربما الفراق الأن هو أفضل الحلول بالنسبة لنا

ده اللى انت كنت بفكر فيه لما سبتها بس تفتكر هيه كانت بتفكر فى ايه؟؟؟؟

27/2/06  
Blogger Eman M said...

جامدة أوى .. رومانسية جداً أصلاً

عجبتنى أوى الكلمات دى:
هل هى محاولة لمداراة فشلى الدنيوى أمامك بمحاولة القيام بأى فعل رومانسى أمامك

27/2/06  
Blogger Solo said...

حساس جداً النص دا

1/3/06  
Blogger ماشى الطريق said...

الكسندرا:وأنا كمان يحزننى والله بس ساعات بيكون ده الحل
على الشاطىء الأخر:هية أكيد كانت بتحلم أحلام جميلة و أكيد أبعد حاجة عن ذهنها إنى حاسبها بعد اللحظة دى
سولو باشا:الله يخليك يا سنيور سولو

2/3/06  
Blogger sasha said...

nehayet ay 7aga betkon mo3tamada 3la el tarafen .. ya3ny ezay to7kom 3ala 7aga zay deh aked el 7ob da mesh begad awo lesa maweselsh le zarweto .. estana we enta tshouf

2/3/06  
Anonymous يامن said...

على فكره انا عملت نفس الحكايه برده بس كانت مجرد نظره الساعه 3 الصبح من مصر الجديده لحد المهندسين
و برضه بعد كده بخ خلاويص

6/3/06  
Blogger ماشى الطريق said...

ساشا: ماشى يا ستى حاسمع كلامك ونستنى و نشوف
يامن:ده عهدى بيك يا عم يامن راجل رومانسى

8/3/06  
Blogger *~Daisy~* said...

أزال المؤلف هذا التعليق.

8/3/06  
Blogger هوميروس said...

يابختك لقيت حد ممكن تاكل الشيكولاته معاه

13/3/06  
Blogger shababik said...

ياااااااااااا
اد كدة الشيكولاتة دي ساحرة
ياما قلت محدش صدقني.
انا بحب الشيكولاتي اوي وحبتها اكتر دلوقتييا جميل.

15/3/06  
Anonymous غير معرف said...

الله عليك

1/4/06  
Anonymous غير معرف said...

hi ana sara fe kalam kter nifsi a2olo bas ana ma3rafaksh ma3a eni 7asa enak 7ad 2orayeb bas lama ba2ralak 7agat romansya ba7s en 3omr ma 7ad haye3mele keda? ana kont ba2ol en aked lesa fe nas bet7eb ba3 aked lesa fe 7ad momken ye3mel ay 7aga 3ashan 7abebto w ba3d wa2t kter w 7agat kter 2olt en da mosta7el ... kolo kalam aflam ..w adek enta aho bt3'ayar kalami tani bas ana msh 3arfa asada2 eh ana 7asa en kol wa7ed ma7'lo2 w leh 7ad bey7ebo homa el etnen bas ele yle2o 3ala ba3d bas kol wa7wd beyeb2a fe makan 3'er ele etani feh w yfdalo kol etnin bey7ebo ba3d ydawaro 3ala ba3d w kol etnin w 7azohom ba2a

26/4/07  

إرسال تعليق

<< Home

Free Web Site Counters