برقيات
قبل ما أكتب البوست ده بصيت على البوست بتاع السنة اللى فاتت
وبعد ما قريته إكتشفت إن البرقيات بتاعت السنةدى وقع منها ناس يامة و إن الناس الجديدة قليلة بالمقارنة بالناس اللى خرجت
بالرغم من إنى السنادى إتعرفت على ناس كتيرة جداً
عموماً دى برقيات السنة دى , و سنة طيبة على الكل إنشاء الله
حمادة إبن أختى : مفيش فايدة فيك حلوف من يومك
مريم أخته : أحلى حاجة فى حياتى
يوسف : ويلكم إن زا باد ورلد
دينا أم براء : ربنا يسعدك كمان و كمان
أحمد عارف :سنتك بيضة إنشاء الله مش مسوسة يعنى نياه نياه نياه
توتو : بطل تدبل يا إبنى فى الترنيب لَبستنا يا أخى
عمرو كامل : والله والله من ساعة ما سافرت المانجة مبقاش ليها طعم نياه نياه نياه
مهاب : كل سنة و إنت طيب يا أهلاوى يا كلب
رضوى : ماهو مينفعش برضوه , كل سنة و إنتى طيبة
عُلا : أحلى حاجة فى ديسمبر
مصطفى أحمد : خليك معايا
أحمد خليفة : على فكرة أنا ندل كبير بس معذور والله
البرى : لتانى مرة ربنا يزود حبنا لبعض
محمد خميس : يا إبنى حَسن مستواك شوية بقى مش كل مرة تكسبنى كده
أحمد عبد القادر : يا إبنى حد برضوه يشتغل مهندس مدنى , وده ما يمنعش برضوه إنك تسيب البت الروسية
برقية تانية : كريسمس يا واطى و تلاقيك مقضيها و أنا هنا فى البيت بحارب ولاد أختى.... دنيا
أحمد إس أند إس : هو الناس الحلوة بيمشوا بسرعة ليه كدة, واحشنى جداً جداً جداً جداً يا لزج
ولاء : إنت أكتر شخصية محترمة عرفتها السنادى , بجد والله , كيب إن تتش
طلعت : كل سنة وانا بنفخ عليك يا صديقى , سنة حلوة إنشاء الله
هيثوم : متشكرين جداً يا باشا على الواجب الجامد ده
محمود سعيد : فاكر ياض هاهاهاها والله كانت أيام حلوة
شعبان : مبروك يا شعبوووووو
شحاتة : جبت الشقة دى إزاى ياض ؟؟؟
خالد : حبيبى , أنا بس أطلع من الدوامة الوسخة دى ولينا قعدة طويلة مع بعض
هشام فتح الله : ماهو مينفعش مبعتلكش يعنى , سنتك بيضة إنشاء الله
حازم فاروق : واحشنى ياض
أحمد حسن : حبيبى والله
ياسر : جيت على بالى فجأة كده قولت أقولك كل سنة و إنت طيب
د.خ : مقلب كبير
د. ف : راجل محترم فعلاً
نوال الزغبى : أمى وافقت أخيراً إنى أتقدملك
بلال فضل : إكتب اللى إنت عايزه يا أستاذ بلال , بس إنت ضميرك مسامحك فى فيلم زى عودة الندلة ده ؟؟
ولاد شارعنا : عزوتى
جمالون : إرجع يا جملى
محمد عيسى : فاكرك مش ناسيك والله
الراجل بتاع الوصلة : لأ كدة مية مية الله ينور بس أفتكر التلات قنوات أرت تو ملهمش لازمة يعنى كفاية واحدة
posted by ماشى الطريق @ الاثنين, يناير 01, 2007
14 Comments:
كل سنه وانت طيب وربنا يكتر من حبايبك ويخيب عدوك ههههههههههه
دى دعوه من تأليفى بس ربنا يجعلها سنه حلوه عليك يارب
بس بالحق مفهمتش الحته دى
(توتو : بطل تدبل يا إبنى فى الترنيب لَبستنا يا أخى)
معلش فى مصطلحات كتير طايره منى دى حجات عليمه دى ولا ايه
عزرا لجهلى هههههههههههه
looool, HAppy new year ya bashmhndez, winshala ya5oya 2007 telm nfsaha we mtetla3sh nadla m3ana zay elma7ro2a 2006 :/
بس يا ترى يا هل ترى ، الراجل بتاع الوصلة بيعدي على البلوج عندك؟
كل سنة و انت طيب يا فانتازيا باشا
كل سنه و انت قلبك ابيض... كل سنه و انت كلامك من القلب :)
انا برده مفهمتش نفس البرقيه بتاعه توتو
"عجبتنى اوى "أحلى حاجة فى ديسمبر :)
CAT_EYES
إنشاء الله سنة حلوة علينا جميعاً
الترنيب دى لعبة كوتشينة بيلعبوها أربعة
كل إتنين فى فريق
من ضمن قواعدها كده فيه حاجة إسمها تدبيل
توتو بقى ده غاوى يعمل الدبل ده و غالباً إحنا بنخسر الدور كل ما يدبله
أتعشم إنى أكون وصلت المعلومة على قد ما أقدر
z-diva
يا رب يا ختى يا رب
2006
دى كانت سنة وسخة فعلاً
شغف
الراجل بتاع الوصلة أصلاً عامل بلوج
:))))))
كل سنة و إنتى طيبة
moia :
كل سنة و إنتى طيبة يا عسل
شوفى ردى على كات أليكس فى موضوع الترنيب
بنات أخر زمن ميعرفوش الترنيب
حتربوا ولادنا إزاى إنتوا هه
:))))))))
من بلال فضل
أشكرك ياعزيزي على برقيتك والحقيقة طالما سألتني أحب أقولك أني اتشرف بفيلم عودة الندلة جدا وأعتقد أنك لم تر الفيلم ولذلك أتمنى أن تراه أو أنك شاهدته ولم يعجبك وأتمنى أن تعيد النظر فيه عندما ينزل فيديو قريبا
على أي حال صدقني هذا من الافلام التي أحبها يمكن في افلام تانية لم تأت كما ترى لك خالص تحياتي
إلى الأستاذ بلال فضل
هو أنا شفت الفيلم يا أستاذ بلال و أنا معنديش الجرأة إنى أفتى فى حاجة أنا مشفتهاش
ومفتكرش إنى حغير وجهة نظرى فيه لأنى كملته بالعافية أول مرة
المشكلة يا أستاذ بلال إنى بعتب عليك فى فيلم زى ده لأنى مقتنع بإنك المفروض تكتب أحسن من كده
أنا عجبنى جداً فيلم واحد من الناس
و أعتقد إنه فيلم ناجح جماهيرياً و فنياً و نقدياً
أنا عارف إن الموضوع ده قُتل بحثاً بالنسبالك و إنك بتتسأل فيه كل يوم
و أنا قريت إجاباتك عليه وشايف إنك مقتنع جداً برأيك بالرغم من إن كل الناس اللى أعرفهم مش موافقينك عليك
عايز أقولك إن لية واحد صاحبى ميعرفش بلال فضل الصحفى لكنه يعرف بلال فضل المؤلف السينمائى كان مستغرب جداً لما عرف إنك اللى مألف واحد من الناس و كان بيقولى مش ده بلال فضل بتاع حاحا و تفاحة و حسن سبايسى طب ماهو بيكتب حاجات كويسة أهوه
أستاذ بلال زى ما قلتلك فى البرقية إكتب اللى على مزاجك و أنا أوعدك إنى مش حناقشك تانى فى النقطة دى
وكل سنة و كل عيد و إنت طيب
و زى ما بقولك متعتبرش إن كلامى ده نقد أد ما تعتبره إنه عتاب من أخ صغير
و شكراً
و الله وحشتنى ..... اعدتك يا حوكا
أصا الصراحة اعدتك ما تتعوضش
لووووووووووووووووووووووول
كل سنة وانت مدون لذيذ جدا
حلوة بجد حكاية البرقيات دي انك تستعرض علاقات خفيفة اوى بالاشخاص اللي حواليك وتكتبها
لكن......نوال الزغبي؟؟!نوال يا راااااااجل؟
طيب يا عم ربنا يتمم بخير ابقي اعزمنا
كل سنة وانت طيب يا محمود يا طيب
يابني والله العظيم انت دمك زي العسل
و كل سنة و انت معسل
:P
ملك
و إنت كمان والله واحشنى يا عم
شبابيك
الحب و عمايله بقى يا مان
أكيد حعزمك إنشاء الله
عُلا
و إنتى طيبة
نور
كل سنة و إنتى طيبة يا جميلة
hi ana sara 7araka gamela awe en 7ad yeftekrak y2olak kol sana w enta tayeb ana 2adet bedayet el sana de lwa7de bas 3ala el 3omom el samak bey3om w kol sana w enta tayeb 7ata law met2a7'ara
مع الكثير من الفرح في قلبي، وأنا أود أن حصة شهادة رائعة. أنا متزوج منذ أكثر من 3 سنوات وديسمبر من هذا العام سوف يكون لي الذكرى الرابعة. في وقت سابق من هذا العام أنا وزوجي بدأ وجود مشاكل كانت دائما بالضيق، ورؤية الخطأ في كل شيء أقوم به، وأنا بذلت قصارى جهدي لتصبح أفضل شخص لذلك، ولكن لم يكن هناك أي تغيير فيه. في مارس من هذا العام ونحن في النهاية افترقنا وقالت انها مستعدة للطلاق بكى، وكان العديد من الليالي الطوال ولكن أي تحسن. عند نقطة الإستسلام، قرأت قضية مماثلة لشهادتي في منتدى العلاقة وانخفض سيدة الشهادة البريد الإلكتروني للidegu الدكتور الذي ساعد لك. وكنت قادرا على الاتصال الدكتور idegu في بريده الإلكتروني، وانه ساعدني وضع كل ذلك مرة أخرى في 48 ساعة other.less كما وعدت زوجي اتصل بي يسألني انه يشعر بالاسف لكل شيء وأنني أرغب في العودة. أنا لا أصدق عيني لأنه قال لي قبل انه لن مرة أخرى لا تريد مني. هو حقا عظيم الدكتور idegu يعتقد هذا أبدا في نوبات، لكنه أثبت نفسه جديرا. إذا كنت تعاني من مشكلة مشابهة يرجى الاتصال به وأعتقد أنه يمكن أن يساعد البريد الإلكتروني الخاص بك هو drideguspellcast@gmail.com. والسحر هو حياة أفضل. زوجي يعاملني مثل الملكة والآن لدي كل الأسباب لتقديم الشكر إلى dr idegu أنا ممتن لدعمكم. مرة أخرى له البريد الإلكتروني drideguspellcast@gmail.com محاولة لمعرفة ما اذا مشاكلك نحن لم ينته.
إرسال تعليق
<< Home