الأربعاء، مارس 08، 2006

هو و هى

(1)
هى : أنا عايزة بس أفكرك إن فيه خيط رفيع أوى بين الحب والصداقة
هو: متخافيش حنفضل نستعبط لحد منعديه
(2)
هى : إنت ليه مطلعتش شبه توم كروز
هو: خلقة ربنا
هى : أو حتى براد بيت
هو: .......................
هى : أيه ساكت ليه
هو: يعنى أنا لو شابه واحد فيهم كًنت حابوصلك ليه
هى : أيه؟؟؟
هو : قصدى أن أكيد مافيش واحد فيهم حيحبك أدى
(3)
هو : تفتكرى أيه أخرة حبنا
هى : نتجوز
هو : وبعدين؟؟؟؟
هى : نخلف
هو : وبعدين
(4)
هو: يتابعها بعينيه كل يوم فى عربة الترام , مكتفياً دائماً بالنظرات
يمنعه خجله من أن يبدأ معها أى حوار منتظراً أن تتعثر وهى تصعد إلى الترام أو يسرق أحد حقيبتها
حتى يستغل الموقف و يتعرف بها
يمر يوم بعد يوم وهو ينتظر
(5)
هى : هو إحنا مجانين
هو : لأ
هى : طب الناس هما اللى مجانين و إحنا اللى عاقلين
هو : برضوه لأ
هى : أُمال أيه
هو : إحنا ناس طبيعين جداً بس كل مشكلتنا إننا مش عارفين نتكيف مع الحياه
(6)
هو : هو إحنا ليه بنحب بعض؟؟؟
هى : يعنى تقدر تقول إحتياج للحب وحبنا لبعض هو اللى بيشبع الأحتياج ده
هو : يعنى لو ماكانش عندنا إحتياج ما كناش حنحب بعض ؟؟؟؟؟؟؟؟
(7)
هى : مش إنت واحد من كبار المطالبين بالمساواة بين الراجل و المرأة ؟؟؟؟؟
هو: أيوة
هى : طب ممكن تتحزم و ترقص
هو : أيه؟؟؟ إنتى بتقولى أيه
هى : أيوة يا أخى زى مانتم بتحبوا تتفرجوا على رقص الستات, أنا كمان بحب أتفرج على رقص الرجالة
هو : هيا وصلت لكده , عيب واللهِ
(8)
هى : حاجة غريبة إحنا نعرف بعض بقالنا سنين ومع ذلك بنشوف بعض مابنتكلمش ولا كلمة بالرغم من إننا فى الشات بنتكلم ساعات وبنقول كل اللى جوانا
هو : الصراحة ما أعرفش السبب بس أوعدك لما أعرفه حابقى أكتبهولك
(9)
هى : طالما بتحبها ماتقولهاش ليه
هو : علشان الحب أخرته الجواز , و الجواز محتاج فلوس , و أنا معيش حاجة
هى : ليه بس النظرة السوداوية دى
هو : ماهو أنا لما ببقى خيالى الناس يقولولى إنزل عل الأرض , ولما أنزل عالأرض الناس يقولولى بلاش سوداوية , ملعون أبوكى دنيا
(10)
هى : تتابعه بعينيها كل يوم فى محاولاته المستميتة للتزويغ من الكمسارى تمسكه فى أحد المرات وتطلب منه البقاء بجوارها وإنها ستدفع له تذكرته , يحكى لها إنه فى الصف السادس الإبتدائى و وعن فقرهم الشديد , ترى فيه الأخ الذى حُرمت منهُ فتملس على شعره وتخبرهُ إنه بمأمن معها
يصل الترام إلى محطته , يفاجئها بقبلة على خدها ويقفز من الترام
(11)
هى : إنت ليه دايماً بتكتب عنى شِعر على الورق , ليه ماتقولهوليش باللسان أحسن
هو : علشان إنتى بتبقى أجمل على الورق

17 Comments:

Blogger Omar Ali said...

yaaaaaaaaaaaaaaaaaaaaaaaah
yeb2a koll qesas el 7ob w mawadee3oh zay ba3d 3and koll el nas 3ala keda.
you are very sensitive and "awake"

8/3/06  
Blogger Eman M said...

حلوة حتة المساواة بين الراجل و المرأة دى :)

ليه الكلام بيبقى أكتر فى الشات و أجمل على الورق؟
مالها خلقة ربنا بس:)

كلامك امتعنى - أنا أصلاً لسة متأثرة بتدوينتك اللى فاتت بتاعت الشيكولاتة :)

8/3/06  
Blogger فنجان قهوة said...

دى بس مجرد ابتسامة عشان حلاوة المشهد مش أكتر

10/3/06  
Blogger ملك said...

حلوة
مسخرة الحتة بتاعة رقص الرجالة دى looooooool

11/3/06  
Blogger عوليس said...

جميله يابركه

11/3/06  
Blogger Mr-Biboooo said...

ياه بقالى كتير مجيتش هنا

لكن اكيد فاتنى كتير اوعدك انى هقرا اللى فاتنى

اما التدوينة دى ففعلا دمها خفيف لكن انا لمست جواها حاجة حسيت بيك فيها قوى

يعنى لو ماكانش عندنا إحتياج ما كناش حنحب بعض
الصراحة ما أعرفش السبب بس أوعدك لما أعرفه حابقى أكتبهولك
ماهو أنا لما ببقى خيالى الناس يقولولى إنزل عل الأرض , ولما أنزل عالأرض الناس يقولولى بلاش سوداوية , ملعون أبوكى دنيا

11/3/06  
Blogger ماشى الطريق said...

عمر على: الله يخليك يا باشا ومن الواضح إننا على نفس الخط
إيمان:أنا بدمع خلاص)))))
فنجان قهوة:الله يحفظك
ملك: تعيش يا سيدى
عوليس:شكراً يا باشا
بيبو :يا باشا إنت دايماً فى القلب

11/3/06  
Blogger Solo said...

ايه يابنى الصياعة دى
جــــامد
بس بخصوص هو و هى ... مفيش فايدة

12/3/06  
Blogger هوميروس said...

يابن الذين
حرام عليك بعد ده كله تنط من الترماي وتسيبنا مش عارفين هننزل في اي محطة وهي قاعدة لوحدها
بجد مدونتك شيكولاته

13/3/06  
Blogger shababik said...

اولا سعيد اوى بالبلوج بتاعك جميل
تانياعاجباني اخر جملة اويبتبقي احسن ع الورق.

15/3/06  
Blogger ماشى الطريق said...

سولو:عندك حق فعلاً مفيش فايدة
هوميروس: شكراً يا باشا
شبابيك:متشكرين

15/3/06  
Blogger sasha said...

هى : كل قصص الحب ديه كلها و أنا حاسة انك و لا واحد فيهم
هو : مش فاهم
هى : نفسك تعيش حالة منهم . . انت بتتفرج من بعيد
هو : . . . . . . . . ( أكمل الفراغ)

15/3/06  
Blogger ماشى الطريق said...

هو:ليه كده بس))))))
هو: تقدرى تقولى إنى بستمتع أكتر بالمشاهدة
هو: مين قالك مش ممكن أكون عشتهم كلهم أو حتى كام قصة منهم
أنا: على فكرة أكتر من نص البوست ده حقيقى

15/3/06  
Blogger Guevara said...

هو : علشان إنتى بتبقى أجمل على الورق

مش عارف أقولك إيه .. بس عندك حق

الله عليك

26/4/06  
Anonymous غير معرف said...

hi ana sara 3arif el fantazya bta3tak 3amla zay el a7lam benesbale w 3aref leh e7na el etnin ben7eb el fantazya w el a7lam ymkin aw akid 3alashan bnehrab mn el 7a2e2a mn ay 7aga bto2af dedena fa bne3mel kol ele nefsena feh w kol ele ma7adesh ye2dar ye3melo w 7agat tanya kteeeeeeeeeeeer awe el post bta3ak 3agabni awe enta 2edert teb2a 7ad momayaz awe

26/4/07  
Anonymous غير معرف said...

الله يحماك يا هالشب

17/2/09  
Anonymous غير معرف said...

الله يحماك يا هالشب

17/2/09  

إرسال تعليق

<< Home

Free Web Site Counters