زفتازيا
شعور سىء جداً لما تكون حالتك النفسية زفت ومحتاج تتكلم وتُقع فى إيد واحد يبدأ فى سؤالك عن أحوالك وحالتك النفسية و أخبار الحياة
وووو و إنت عارف إنه بيسأل بس لمجرد الفضول و إنك ما تهموش بأى حال من الأحوال
الأسوأ فعلاً لما ما تقدرش تمسك نفسك وتبدى تحكى وتفضفض
posted by ماشى الطريق @ الخميس, يوليو 13, 2006
16 Comments:
ماشى
بظبط اللى حالى فيه
تصدق انى ماسكة اى حد اشوفه يقول لى "مالك؟" وأديها رغى فى الحالة الهباب اللى عيشاها وخنقتى وقرفى
حتى تصدق انى دخلت منتدى اتكلم...
كان فى الأول احساسى انى لما اتكلم ح فوق وأفوق
انما لاحظت انى زى ما أنا ويمكن أسوء... وعايزة أختفى عشان ابطل كلام
بس زى ما بيقولوا ههرب من فين وعلى فين؟!!
ربنا يستر ويرحمنا من الهموم
بقت تقيلة قوى
هذا الشعور الأسوأ بعد الفضفضة , والندم على انك تحكي للشخض الغلط وقد صدر لك الطرشة وبان عليه التوتر والقلق ونظرة من عينة (انت ماصدّقت واتفتحت ياهيثم؟) ... ذلك الشعور الذي يزيد الأمور السيئة سوءا وسوادا على سواد
طبعا زفتازيا ونص
بس بعد صدمات متكررة وترويض قاس للنفس المتألمة ... ستكون قد اعتدت الألم دون فضفضة
متزدش نفسك هم على هم
انت لما حكيت كنت بتحكى عشانك مش عشانه
انت عملت الصح مكنتش هتموت من الخنقة
سيبك يا بنى محدش عايز منك حاجة اديك فضفضت يستاهل او ميستاهلش مشمهم المهم انك اتكلمت .
تحكي.. فتفتح ثغرة في جدار صمتك
لحظتها تشرع أبواب قلبك أمام زائر غريب.. أو شخص عابر.. لتستمد من فضفضتك قوة تعينك على هدم هذا الجدار العالي
لكن الحديث مع أذن تنصت باهتمام وعقل يستوعبك.. أفضل بكثير من الحديث مع العابرين في حياتك كأنهم جملة اعتراضية
يبقى أنك تحاول الخروج من حصار فرضته على حزنك.. وهذا هو الأمل في إنهاء حالة حصار إجبارية سببها الحزن
تعرف عندك حق ساعات كتير بتحصلي
والأجمل إنك رجعت هنا ياعم إبقي تعالي فضفض هنا ف المدونة مع المدونين
ويلكام باك
فضفض هناك.. و صدقني الفضفضه هنا أريح. عموما الإحساس العام عند الناس دلوقتي انها بتسأل زي ماقلت انت من باب الفضول.. يعني أنا مثلا لو شفت حد متضايق مش هاغلس و أسألو ماله لو هو تعبان هيقول.. و بعدين أفضل حاجة لو قال أسمعه و ما أعلقش زي ما أنا قاعد بعمل دلوقتي!!!! عود حميد يا ماشي الطريق.
very nice street walker
انت يا عم ....انت فين...مش لازم تستسلم للحاله دى ... و أكتب بقى...بجد بجد وحشتنا
ياااه
حسيت انك بتتكلم عني لما سألتك عامل ايه بدافع الفضول واقعدت تتكلم في كلام ولا ليا دعوة بيه اساسا وكنت عايز اقولك وانا مالي بس احرجت
:P
:D
يعني مش انا لوحدي في الزفتازيا دي
العنوان لذيذ
العنوان لذيذ
وكل اللي راح تقول له
الحمد لله الحمد لله الي نهايه الاستجواب
بص كلامك جميل نفسى اقوله فعلا لانى على طول زهقانه وقرفانه ومش بحب حد يقولى مالك لانى اما بعمل نفسى مش سمعته او بقوله مافيش
hi ana sara el 7ala de ma7asaletlesh kter l2ane 3ande a7la sa7ba momken 7ad y2abelha w sa7ba de kelma 2olayela awe benesba l2emetha 3ande heya agmal 7aga 7asaletle mogarad el tafker enha mawgoda beytamene ana ba7med rabena 3aleha awwwwwwwe awe kol el na2es feya heya yarab y7'aleha leya 3ala fekra heya bent 7'alte kaman
إرسال تعليق
<< Home